Dy vajza me prejardhje nga Kosova kanë humbur jetën në një aksident të rëndë trafiku që ndodhi të shtunën pasdite në autostradën A5, pranë Appenweierit në Gjermani.
Sipas Policisë gjermane, aksidenti dyshohet të ketë ndodhur pasi njëri nga automjetet nuk ka arritur të ndërrojë korsinë në mënyrë të sigurt, duke shkaktuar përplasjen e dy veturave që po lëviznin me shpejtësi të lartë.
Në aksident janë përfshirë gjithsej pesë vetura. Përveç dy viktimave, një person tjetër ka pësuar lëndime të rënda dhe është dërguar për trajtim mjekësor.
Policia e trafikut në Baden-Baden ka nisur hetimet për të sqaruar rrethanat dhe shkakun e saktë të aksidentit.