Prokuroria Speciale ka ngritur aktakuzë në Gjykatën Themelore në Prishtinë ndaj të pandehurit me inicialet E.H., nën dyshimin për kryerjen e veprës penale “Përgatitja e veprës penale Vrasje e Rëndë”.
Sipas njoftimit, i pandehuri dyshohet se, pas një mosmarrëveshjeje të mëhershme me personin e dëmtuar M.D., kishte planifikuar privimin e tij nga jeta, njofton Dukagjini,
Tutje thuhet se në kuadër të këtij plani janë përfshirë marrëveshje për shpërblim financiar, koordinim lidhur me kohën, mënyrën dhe vendin e kryerjes së veprës, si dhe sigurimi i armës që do të përdorej për realizimin e saj.
Prokurori i rastit i ka propozuar gjykatës që, pas zhvillimit të procedurës gjyqësore dhe administrimit të provave, i pandehuri të shpallet fajtor dhe ndaj tij të shqiptohen sanksionet e parapara me legjislacionin në fuqi.
Rasti tashmë pritet të trajtohet nga Gjykata Themelore në Prishtinë.