Numri i viktimave nga tërmetet shkatërruese që goditën Venezuelën të mërkurën është rritur në 920, bëri të ditur të premten kryetari i Asamblesë Kombëtare, Jorge Rodríguez.
Sipas autoriteteve, mijëra persona kanë mbetur të plagosur, ndërsa ekipet e kërkim-shpëtimit vazhdojnë operacionet për gjetjen e të mbijetuarve nën rrënoja, shkruan CNN, transmeton Dukagjini.
Shumë persona rezultojnë ende të zhdukur, ndërsa dëmet materiale janë të mëdha, me qindra ndërtesa të shembura ose të dëmtuara rëndë, veçanërisht në zonën e Karakasit dhe shtetin bregdetar të La Guairas.
Venezuela u godit nga dy tërmete të fuqishme me magnitudë 7.2 dhe 7.5, të ndodhura brenda pak sekondash nga njëri-tjetri.
Pas lëkundjeve kryesore janë regjistruar qindra pasgoditje, duke vështirësuar përpjekjet e ekipeve të emergjencës dhe duke shtuar frikën për shembje të tjera.