Një gruaje në Aeroportin Ndërkombëtar të Prishtinës “Adem Jashari” i janë gjetur 13 fishekë të gjuetisë, 20 fishekë të zbrazët e gjuetisë si dhe 245 saçme për fishekë të gjuetisë.
Sipas raportit 24 orësh të Policisë, rasti u iniciua si “Mbajtje në pronësi, kontroll apo posedim i paautorizuar i armës”.
“ANP Prishtinë / 05.07.2026 – 09:30.Është ndaluar e dyshuara femër kosovare pasi që gjatë kontrollit në valigjen e saj janë gjetur dhe konfiskuar 13 fishekë të gjuetisë, 20 fishekë të zbrazët të gjuetisë si dhe 245 saçme për fishekë të gjuetisë. Me vendim të prokurorit, pas intervistimit rasti vazhdon te trajtohet ne gjendje te lire”, thuhet në raportin e Policisë.