Një punëtor i “Kosovamont” është lënduar në vendin e tij të punës në KEK, një ditë më parë. Ai ka pësuar lëndime serioze dhe po trajtohet në mjekimin Instensiv Qendror në QKUK.
Shefi i Mjekimit Intensiv Qendor, Shaqir Uka, për Radio Dukagjinin bëri të ditur se gjendja e tij është stabile.
“Në Mjekimin Intensiv është pranuar dje një pacient nga Qendra Emergjente, ku për shkak të lëndimeve që janë shkaktuar në regjionin e kokës, është dashur t’i nënshtrohet një intervenimi kirurgjik dhe pas intervenimit kirurgjik, pacienti është sjell në Mjekimin Intensiv, ku vazhdon të marrë trajtimin mjekësor. Lëndimet janë serioze, në regjionin e kokës, ku është dashur edhe të bëhet intervenimi kirurgjik. Gjendja e pacientit stabile, edhe pse lëndimet janë shumë serioze”, ka bërë të ditur Uka.
Ai theksoi se 60 vjecari, vazhdon të qëndrojë i fjetur me barna, dhe i kyçur për aparatura mjekësore.
Ndërsa, Naser Syla, Drejtor i Qendrës Emergjente në Prishtinë, për Portalin Dukagjini ka konfirmuar se pacienti në fjalë eshte transferuar nga kjo qendër, në Mjekimin Intesiv Qendror.
”Po, pacienti është transferuar në Miq”, tha ai.