Kryeministri në detyrë, Albin Kurti, ka shprehur optimizëm para takimit në Kuvendin e Kosovës me kryetarin e LDK-së, Lumir Abdixhiku.
Duke folur shkurt para mediave, Kurti tha se ka vullnet për arritjen e një marrëveshjeje që do të mundësonte konstituimin e institucioneve dhe shmangien e zgjedhjeve të reja, njofton Dukagjini.
“Unë jam optimist sepse e kam vullnetin e mirë, dhe interesin publik, që do të thotë t’i konstituojmë institucionet, t’i evitojmë zgjedhjet e reja dhe në këtë mënyrë të fillojmë të qeverisim përsëri mare e mirë sepse kemi shumë projekte për gjysmë dhe të reja që do të vijnë”, tha Kurti derisa po hynte në ndërtesën e Kuvendit.
Kujtojmë se Abdixhiku në këtë takim ka shkuar bashkë me kandidaten për presidente të LDK-së në zgjedhjet e qershorit, Vjosa Osmani.