Instituti Hidrometeorologjik i Kosovës (IHK). ka njoftuar se të martën, më 21 korrik, vendi do të mbizotërohet nga mot i ngrohtë, me temperatura maksimale që do të arrijnë deri në 32 gradë Celsius.
Temperaturat minimale do të lëvizin ndërmjet 14 dhe 17 gradë Celsius, ndërsa ato maksimale nga 28 deri në 32 gradë Celsius.
Sipas IHK-së, era do të fryjë kryesisht nga jugperëndimi dhe perëndimi, me intensitet të lehtë deri mesatar, nga 2 deri në 8 metra në sekondë.
Në orët e pasdites dhe të mbrëmjes, vende-vende priten reshje lokale shiu, të shoqëruara me shkarkime rrufesh.