Banorët e fshatit Sverkë të Pejës po vazhdojnë edhe të martën protestën pranë deponisë së mbeturinave në këtë fshat.
Sipas raportimit të ekipit të TV Dukagjinit nga terreni, disa prej protestuesve janë paraqitur me maska, ndërsa kundërshtojnë gjendjen e krijuar nga deponia dhe kërkojnë zgjidhje për problemet me të cilat, sipas tyre, po përballen prej vitesh.
Ibrahim Bajrami, banor i fshatit Sverkë, tha se banorët kanë qenë në hall me deponinë për më shumë se 20 vjet.
“Qe nja 20 e kusur vjet jemi n’hall me të”, tha Bajrami.
Banorët e fshatit Sverkë të Pejës dhe fshatrave kanë protestuar gjatë gjithë ditës edhe të hënën.