Ka vdekur zyrtari policor i cili u aksidentua javën e kaluar në Malishevë. Lajmin për vdekjen e tij e ka konfirmuar drejtori i Mjekimit Intensiv në QKUK, Shaqir Uka.
“Fatkeqësisht nuk ka arritur t’u mbijetojë plagëve dhe mëngjesin e sotëm ka vdekur”, ka thënë Uka per Dukagjinin.
Aksidenti ka ndodhur mbrëmjen e 16 gushtit, ku përveç zyrtarit policor, të lënduar kanë qenë edhe katër persona të tjerë. Në aksident ishin të përfshirë katër automjete.
Zëdhënësi i Policisë për rajonin e Gjakovës, Sheremet Elezaj pati konfirmuar për KOHËN se një nga automjetet e përfshira në aksident ka dalë jashtë rrugës ku ka goditur zyrtarin policor, i cili sot ka vdekur.