Kryetari i Partisë Demokratike të Kosovës (PDK), Bedri Hamza, ka deklaruar se partia e tij do ta diskutojë situatën pas aktgjykimit të Gjykatës Speciale në Hagë ndaj ish-krerëve të Ushtrisë Çlirimtare të Kosovës.
Para mbledhjes së Kryesisë së PDK-së, Hamza tha se të gjitha format demokratike dhe ligjore janë në opsion dhe se pas diskutimeve do të bëhen të qarta qëndrimet zyrtare të partisë.
“Do ta diskutojmë situatën detajshëm. E kemi thënë që të gjitha format demokratike dhe ligjore janë në opsion. Do ta diskutojmë, pastaj do ta shohim se cilat janë qëndrimet zyrtare të PDK-së. Të gjitha veprimet ligjore dhe demokratike janë të mundshme”, ka deklaruar Hamza.
Pra, PDK-ja pritet që sot në mbledhjen e Kryesisë të diskutojë hapat që do të ndërmarrë pas aktgjykimit të Gjykatës Speciale.