Dr. Anthony Fauci, eksperti kryesor i qeverisë amerikane për sëmundjet infektive, tha të hënën se planifikon të dal në pension në janar të vitit 2025 kur edhe do të përfundojë mandatin presidenti i SHBA-së, Joe Biden.
Fauci, i cili është 81 vjeç, u emërua drejtor i Institutit Kombëtar të Alergjisë dhe Sëmundjeve Infektive në vitin 1984 dhe ka udhëhequr kërkimet në HIV/AIDS, infeksionet e frymëmarrjes, Ebola, Zika dhe koronavirusi. Ai ka këshilluar shtatë presidentë dhe është këshilltari kryesor mjekësor i Biden.
Në një intervistë me Politico, Fauci tha se shpresonte të “lë pas një institucion ku kam zgjedhur njerëzit më të mirë në vend, nëse jo në botë, të cilët do të vazhdojnë vizionin tim”.
I pyetur të hënën në CNN se kur planifikoi të tërhiqej, Fauci tha se nuk ka një datë specifike të daljes në pension dhe nuk e ka filluar ende procesin. Ai tha se pret të largohet nga qeveria përpara përfundimit të mandatit aktual të Biden, i cili përfundon në janar 2025.
“Deri në kohën kur të arrijmë në fund të mandatit të parë të Bidenit, me shumë mundësi do të (dal në pension),” tha Fauci. Ai shtoi: “Është jashtëzakonisht e pamundur – në fakt, me siguri – që nuk do të jem këtu përtej janarit 2025”.
Fauci, i cili prej kohësh është një figurë e shquar e reagimit të qeverisë ndaj sëmundjeve infektive, u vu edhe më shumë në qendër të vëmendjes në kulmin e pandemisë së koronavirusit nën Presidentin e atëhershëm Donald Trump.
Fauci dëshmoi vazhdimisht në Kongres për virusin, ai dhe disa republikanë, duke përfshirë Senatorin Rand Paul nga Kentaki, patën debate të nxehta në lidhje me origjinën e virusit.
Fauci tha të hënën se vendimi i tij për t’u larguar përfundimisht nga roli i tij nuk kishte lidhje me politikën.
“Nuk ka të bëjë fare me presionet, nuk ka të bëjë me të gjitha marrëzitë e tjera për të cilat dëgjoni, të gjitha gjembat dhe shigjetat. Kjo nuk ka asnjë ndikim tek unë”, tha ai.