Kryesia e Kuvendit të Kosovës do të mblidhet të hënën, duke filluar nga ora 11:00.
Sipas rendit të ditës, në këtë mbledhje pritet të diskutohet për propozimin e rendit të ditës për seancën plenare të radhës, si dhe për propozimet dhe kërkesat e paraqitura.
Në mesin e pikave të parapara për seancën plenare është shqyrtimi i dytë i projektligjit për ndryshimin dhe plotësimin e Ligjit për ndarjet buxhetore për Buxhetin e Republikës së Kosovës për vitin 2026.
Po ashtu, në rend dite është përfshirë edhe votimi i propozimit të Grupit Parlamentar të Listës Serbe për emërimin e deputetëve në komisionet parlamentare.
Para shqyrtimit të këtyre çështjeve, anëtarët e Kryesisë do të shqyrtojnë miratimin e procesverbalit të mbledhjes së mëparshme.