Ministria e Shëndetësisë sipas të dhënave të IKSHPK-së ka informuar se të premten e 22 korrikut nga 3 mijë e 716 testime të qytetarëve, 1 mijë e 390 qytetarë kanë rezultuar pozitiv me COVID-19 në Kosovë.
Brenda 24 orëve të fundit një qytetar ka humbur betejën me COVID-19.
Numri i të shëruarve është 871, numri i rasteve aktive është 9 mijë e 230 dhe 218 qytetarë janë vaksinuar kundër COVID-19 brenda 24 orëve të fundit.
Që nga fillimi i vaksinimit, 903 mijë e 801 qytetarë janë vaksinuar me dozën e parë, 824 mijë e 86 qytetarë janë vaksinuar me dozën e dytë, 104 mijë e 299 qytetarë janë vaksinuar me dozën e tretë dhe 988 qytetarë janë vaksinuar me dozën e katërt.
Në fund të qershorit, Ministria e Shëndetësisë ka bërë të ditur se ka aprovuar dhënien e dozës së tretë të vaksinës kundër COVID-19 edhe për grupmoshën 12-vjeçare e më lart, të cilët kanë marrë dozën e dytë të vaksinës kundër COVID-19 së paku pesë muaj më parë.
Ministria e Shëndetësisë u ka bërë thirrje qytetarëve që të vaksinohen, ngase ditëve të fundit është shënuar rritje e rasteve të reja me COVID-19, dhe vaksinimi sipas MSH-së, është dëshmuar të jetë mënyra më e mirë dhe më efikase për të parandaluar infeksionin nga COVID-19, format e rënda të sëmundjes dhe vdekjet nga COVID-19.
Ministria e Shëndetësisë ka bërë të ditur se ka aprovuar dhënien e dozës së tretë të vaksinës kundër COVID-19 edhe për grupmoshën 12-vjeçare e më lart, të cilët kanë marrë dozën e dytë të vaksinës kundër COVID-19 së paku pesë muaj më parë.
