“Raportet e Kosovës me Shtetet e Bashkuara të Amerikës janë ekzistenciale,” shkruan Osmani në postimin e saj.
Takimi me sekretarin e Shtetit, Antony Blinken ka qenë nder për presidenten, e cila ka shkruar se kanë rikonfirmuar partneritetin e palëkundur, dhe hapjen e kapitujve të rinj të bashkëpunimit në sektorë të rëndësishëm e strategjik.
“Me Shtetet e Bashkuara të Amerikës do ta intensifikojmë angazhimin e përbashkët diplomatik, forcimin e sundimit të ligjit, si dhe rrugëtimin tonë euro-atlantik,” shkruan Osmani.
Presidentja ka theksuar se do të qëndrojnë në krah së bashku për adresimin e sfidave të cilat i ka cilësuar si të përbashkëta ndaj paqes, sigurisë dhe promovimit të vlerave të përbashkëta demokratike.