Gjendja jo e mirë shëndetësore ka bërë që artisti shqiptar Ermal Meta të mos i zhvillojë aktivitetet e tij muzikore.
Këngëtari Ermal Meta është i njohur edhe në Itali.
Ermal Meta nëpërmjet rrjeteve sociale ka njoftuar publikun e gjerë që fytyra e tij është duke u ënjtur vazhdimisht.
“Më duhet ta shoh dhe të zgjidh situatën. Pjesë të ndryshme të fytyrës dhe kokës më janë fryrë prej disa ditësh. Por dje u zgjova më keq se zakonisht dhe sot në mëngjes njësoj”, tha artisti.
Radio e Italisë ka njoftuar se këngëtari Meta u ka kërkuar falje të gjithë adhuruesve të muzikës së tij.
Për shkak të gjendjes shëndetësore, Ermal Meta ka ndaluar edhe turneun për librin e tij “Nesër dhe përgjithmonë”.
