Kryetari i Partisë Demokratike të Shqipërisë, Sali Berisha, në bashkëbisedimin e përjavshëm me gazetarët, të premtën e 29 korrikut ka thënë se është ndier i privilegjuar që nuk ishte ftuar në festën e 100-vjetorit të marrëdhënieve diplomatike mes Shqipërisë dhe Shteteve të Bashkuara të Amerikës.
“Zonja Kim, duke mos më ftuar, më nderoi. Kjo për faktin se ajo, me qëndrimet e saj, ka dëmtuar më shumë, bashkë me Edi Ramën, dhe mafien e George Soros, më shumë se kushdo tjetër perceptimin dhe imazhin e shkëlqyer që kanë pasur shqiptarët për SHBA”.
Kryetari i PD-së ka shtuar se është ndier i privilegjuar dhe për nderimin e ngjarjes mes mirditorëve, shqiptarët më tradicionalë të të gjitha trojeve.
“Figura si Edi Rama dhe Taulant Balla turpërojnë marrëdhëniet mes Shqipërisë dhe Shteteve të Bashkuara”, është shprehur Sali Berisha.