Të martën e 16 gushtit pritet të mbajë mot i nxehtë me diell dhe vranësira, dhe sipas Institutit Hidrometeorologjik të Kosovës vende-vende parashihet të ketë reshje shiu të intensitetit të dobët deri mesatar.
Temperaturat minimale do të lëvizin ndërmjet 13 dhe 16 gradë Celsius, ndërsa maksimalet e ditës parashihet të arrijnë ndërmjet 25 dhe 35 gradë Celsius.
Gjithashtu, parashihet të fryjë erë nga perëndimi dhe veriperëndimi e lehtë dhe lokalisht e fortë.
“Moti, do të vazhdoj të mbetet nën ndikimin e masave të ajrit me presion të ndryshueshëm atmosferik. Kjo situatë e krijuar meteorologjike do të mundësoj mot me diell dhe vranësira konvektive cilat ditën e martë, vende-vende parashihen të sjellin reshje shiu të intensitetit të dobët deri mesatar”.
Reshjet e shiut të cilat përfshinë vendin gjatë këtyre ditëve, fillimisht më të fokusuara ishin në veriperëndim dhe verilindje të vendi. Ndonëse këto reshje ishin të mirëseardhura për gjitha fushat, nuk do të thotë se mbaruan temperaturat mbi 30 gradë Celsius. I nxehti afrikan sërish pritet të rikthehet, duke ndikuar në rritjen e temperaturave maksimale në mesditë, jo vetëm te ne, por edhe në të gjitha vendet kufitare.
Gjatë këtyre pesë ditëve të parashikimit, temperaturat minimale do të lëvizin ndërmjet 13-16 gradë Celsius, ndërsa maksimalet e ditës parashihen të lëvizin ndërmjet 25-35 gradë Celsius.
”Indeksi UV do të shënoj vlera të rritura, prandaj kujdes kontaktit direkt me rrezet e diellit në orët e mesditës, respekto këshillat e IKSHP dhe IHMK. Do të fryjë erë nga perëndimi dhe veriperëndimi e lehtë dhe lokalisht e fortë”, thuhet në komunikatën e Institutit Hidrometeorologjik të Kosovës.