Ish-kryeministri i Australisë Scott Morrison mbajti fshehurazi pesë role në ministri, thotë kryeministri aktual Anthony Albanese duke e përshkruar veprimet e paraardhësit të tij si “plehra të paprecedentë të demokracisë sonë”.
Morrison po përballet me thirrjet për të dhënë dorëheqjen si deputet pas zbulimeve, të cilat filluan të dalin të hënën. Por ai ka mbrojtur veprimet e tij, duke thënë se ishte gjatë pandemisë COVID-19 dhe ai “veproi me mirëbesim në një krizë”.
Të martën e 16 gushtit, Albanese tha se i ishte thënë nga “Departamenti i Kryeministrit’ dhe Kabineti se Morrison u bë ministër i përbashkët për portofolet e shëndetësisë, financave, thesarit, punëve të brendshme dhe burimeve në dy vitet përpara se të humbas pushtetin në maj të këtij viti.
Kjo “minoi qëllimisht kontrollet dhe balancat që janë kaq të rëndësishme dhe thelbësore për demokracinë tonë”, tha Albanese. Ai shtoi se ishte “krejtësisht e jashtëzakonshme” që këto emërime ishin mbajtur të fshehta nga votuesit australianë, raporton BBC.
Ish-ministrja e Punëve të Brendshme, Karen Andrews tha për mediat lokale se ajo do t’i thoshte zotit Morrison të jepte dorëheqjen si deputet.
Ish-presidenti i Australisë në Facebook është përpjekur të shpjegonte sjelljen e tij, për të cilën ai tha se ishte krijuar për të siguruar që qeveria të vazhdonte të funksiononte nëse ministrat do të paaftësoheshin nga pandemia Covid.