Të dielën e 21 gushtit ministri i Mbrojtjes, Niko Peleshi, ka vizituar ushtarët e sulmuar nga të dyshuarit për spiunazhe në uzinën e Gramshit, të cilët kishin përdorur spray neuroparalizues ndaj dy ushtarëve shqiptarë që ndodheshin në uzinë.
Ushtari ka rrëfyer ngjarjen e ndodhur më 20 gusht në uzinën e Gramshit sesi ishte përballur me të dyshuarit për spiunazh.
Ai ka thënë se ishte spërkatur në fytyrë me spray neuroparalizues, dhe nga kjo i kishte ikur shikimi dhe kishe pasur djege në fytyrë për disa minuta.
“Edhe nga fytyra kishim djegie. Shikimi për momentin na iku. Për momentin, por e kapëm të dy dhe e po mbanim poshtë, derisa njoftuam patrullat”, ka thënë ai.
Dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe një ukrainas janë arrestuar mbrëmjen e së shtunës pas një incidenti në uzinën ushtarake në Gramsh.
Tre rusë hyjnë në uzinën e armëve në Gramsh, sulmojnë dy ushtarë shqiptarë