Ambasadori i Kosovës Florian Qehaja, është mirëpritur nga kryeministri i Maqedonisë e Veriut, Dimitar Kovaçevski.
Kovaçevski ka thënë se vendi i tij me shtetin e Kosovës, ka raporte miqësore dhe konstruktive.
“Me Kosovën kemi marrëdhënie bilaterale miqësore dhe konstruktive, bazuar në dialog dhe pa çështje të hapura. Vendosmëria jonë për të zhvilluar marrëdhënie fqinjësore është vendimtare për përparimin e të gjithë rajonit”, ka shkruar ai në Facebook.
Më tej ai ka thënë se shteti i Maqedonisë së Veriut mbështetë Kosovën dhe Serbinë për dialogun dhe është i lumtur që këto dy vende kanë rënë dakord për njohjen ndërsjellët të letërnjoftimeve.
Sipas Kovaçevskit vetëm nëpërmjet dialogut Kosova dhe Serbia mund të arrijnë normalitetin në mes tyre.