Të mërkurën e 30 gushtit, kryeministri i Kosovës, Albin Kurti ka pritur në takim shefin e misionit të Luksemburgut në Kosovë, Eric Dietz.
Në takimin mes është biseduar për përkushtimin e Qeverisë së Republikës së Kosovës për arsimin dhe aftësimin profesional, në shërbim të rritjes së punësimit për qytetarët e Republikës së Kosovës.
“U theksua rritja ekonomike prej 4,9 për qind në tremujorin e parë të këtij viti, si tregues shtesë, që demokracia cilësore shkon bashkë me zhvillimin ekonomik”, thuhet në zyrën e Kryeministrisë.
Gjatë takimit të Kurtit fhr Dietz-it është folur edhe për reformat në drejtësi, procesin e vetingut, si dhe luftimin e krimit e korrupsionit.
“Duke vlerësuar përkrahjen dhe miqësinë e vazhdueshme të Luksemburgut, Kryeministri Kurti shprehu vullnetin e Qeverisë për rritje të bashkëpunimit’, thuhet tutje në njoftim.
Kurti ka falënderuar Dietz-in për marrëveshjen e re bilaterale dhe memorandumin e bashkëpunimit me Qeverinë e Luksemburgut, e cila parasheh përkrahje financiare për Kosovën.