Ministria e Punëve të Jashtme dhe Diasporës në Qeverinë e Republikës së Kosovës, i është përgjigjur pozitivisht kërkesës së kryeministres së Serbisë, Ana Bërnabiq që ta vizitojë Kosovën me datën 5 shtator 2022.
Dhënia e lejes për vizitë bazohet në marrëveshjen lidhur me vizitat e ndërsjellta të përfaqësuesve politikë mes Republikës së Kosovës dhe Serbisë.
Të hënën e 5 shtatorit, kryeministrja e Serbisë, Ana Bërnabiq, do ta vizitojë veriun e Kosovës.
Sipas mediave serbe, Bërnabiq do ta fillojë vizitën njëditore në Mitrovicë, e shoqëruar nga Shefi i Zyrës për Kosovën në qeverinë serbe, Petar Petkoviq dhe drejtori i Zyrës për IT dhe eQeverisje, Mihai Jovanoviq.
“Kjo është edhe vizita e saj e parë zyrtare në Kosovë si kryeministre e Serbisë”, raportojnë mediat serbe.
Bërnabiq: Më 1 shtator fillon një periudhë e paqëndrueshme për Kosovën