Skuadra e Xavi Hernandez këtë sezon është treguar mjaftë e suksesshme. Aktualisht ata janë në vendin e tretë në tabelë me shtatë pikë nga tre ndeshje.
Nënshkrimi i Robert Lewandowski ka qenë mjaftë i duhur kështu duke realizuar katër gola në dy paraqitje të fundit. Gjithashtu, skuadra katalanase është forcuar ende më shumë edhe më nënshkrimet e mbrojtësve të krahut, Hector Bellerin dhe Marcus Alonso, por fatkeqësisht mbrojtësit nuk do të marrin pjesë gjatë ndeshjes së sotme për shkak të lëndimeve fizike.
Sa i përket Sevillës, ajo vazhdon ende të gjejë një ritëm pasi ka humbur dy nga tre ndeshjet e saj, dhe po qëndron vetëm me një pikë në përpjekjet e saj.
Ndeshja e rradhës që do të na përcjellë gjatë të dielës, është ajo në mes Espanyol dhe Athletic.
Trajneri i Espanyolit, Diego Martinez të shtunën e 3 shtatorit mbajti një konferencë për shtyp duke thënë se askush në klub nuk mund të jetë i kënaqur me merkaton.
Ndeshja në mes Espanyol dhe Athleticos do të zhvillohet me 4 shtator. Trajneri i Espanyol ka bërë të ditur se skenari i kësaj ndeshjeje do të jetë më ndryshe.
Trajneri ka folur gjithashtu rreth situatës të Raul de Tomas, ku e bëri të qartë se futbollisti nuk i ka përmbushur kushtet për të qenë më ekipin.
Trajneri ka thënë se ai po angazhohet në mënyrë maksimale për ekipin dhe tifozët.
Ndërsa sa i përket ndeshjes mes Athletic, trajneri e cilësoi rivalin si “të rrezikshëm” dhe vuri në pah “intensitetin, talentin dhe cilësinë ”. Përveç kësaj, ai parashikoi se ndeshja do t’i vërë “në shumë vështirësi”.