Presidentja e Kosovës, Vjosa Osmani, ka arritur në Slloveni, që të marrë pjesë në takimin e 11-të të procesit Brdo-Brione. Ajo është pritur nga presidenti i Sllovenisë, Borut Pahor.
Tutje, para e vendit ka shkruar në rrjetin e saj social Twitter se është e kënaqur që është rikthyer në Slloveni për takimin e udhëheqësve të Procesit Brdo-Brione.
“Pres me padurim të diskutojmë masat konkrete në tejkalimin e sfidave aktuale dhe ri-afirmimin e përkushtimit të vendosur të Kosovës për integrimin euroatlantik dhe paqen e qëndrueshme në rajon”, ka shkruar Osmani në Twitter.
Procesi i Bardo-Brijuni është një iniciativë e krijuar nga presidenti i Sllovenisë dhe ai Kroacisë që ka për qëllim koordinimin e shteteve që potencialisht mund të jenë anëtare të Bashkimit Evropian, siç janë vendet e Ballkanit Perëndimor, Kosova, Shqipëria, Maqedonia e Veriut, Serbia, Mali i Zi, Bosnja dhe Hercegovina.
Në këtë ngjarje të përvjetshme marrin pjesë shtetet anëtare të Bashkimit Evropian dhe vendet e Ballkanit Perëndimor, ku diskutohen tema siç është integrimi evropian për vendet aspiruese të Ballkanin Perëndimor.
Pleased to be back in Slovenia for the Brdo-Brijuni Process leaders’ meeting.
I look forward to discussing concrete measures in overcoming current challenges & reaffirming 🇽🇰’s firm commitment to Euro-Atlantic integration and enduring peace in the region. pic.twitter.com/2GBcMWQrQH
— Vjosa Osmani (@VjosaOsmaniPRKS) September 11, 2022