Hristijan Mickoski, kreu i OBRM-PDUKM-së, ka dërguar një nismë në Kuvendin e Maqedonisë së Veriut, për të mbajtjen e referendumit për Shfuqizimin e Marrëveshjes për Fqinjësi të Mirë me Bullgarinë.
Por ketë kërkesë për referendum në Maqedoninë e Veriut, është hedhur poshtë nga kryetari i Kuvendit, Talat Xhaferi .
Sepse kjo nismë sipas Xhaferit është në kundërshtim me Kushtetutën e Maqedonisë së Veriut në nenet 118, 8, 1.
“Nisma nuk është në përputhje me nenin 118 të Kushtetutës së Republikës së Maqedonisë së Veriut, si edhe me nenin 8, paragrafi 1, alineja 11 e Kushtetutës së Republikës së Maqedonisë së Veriut”.
“Respektivisht, në nenin 118 të Kushtetutës së Republikës së Maqedonisë së Veriut është përcaktuar se Marrëveshjet ndërkombëtare që janë ratifikuar në përputhje me Kushtetutën janë pjesë e rendit të brendshëm juridik dhe nuk mund të ndryshohen me ligj”.
“Në nenin 8, paragrafi 1, alineja 11 e Kushtetutës është përcaktuar se vlera themelore e rendit kushtetues të Republikës së Maqedonisë së Veriut është edhe respektimi i normave të pranuara të përgjithshme të të drejtës ndërkombëtare”, ka theksuar Xhaferi në TV21, transmeton, Portali Dukagjini.
Më datën 9 shtator të vitit 2022, VMRO-DPMNE zyrtarisht e ka dorëzuar iniciative kundër marrëveshjes me Bullgarinë për Fqinjësi të Mirë, në Kuvendin e Maqedonisë së Veriut.