Kryeministri i Maqedonisë së Veriut, Dimitar Kovaçevski, në Organizatën e Kombeve të Bashkuara(OKB) në Sesionin e Transformimit të Arsimit, ka treguar strategjinë avancimit të procesit arsimor në vendin e tij.
“Ne punojmë me përkushtim dhe jemi të përkushtuar në krijimin e kushteve dhe mjedisit që do t’i lejojnë nxënësit dhe studentët tanë të lulëzojnë dhe të arrijnë potencialin e tyre”, ka shkruar Kovaçevski.
Më tej, ai ka theksuar janë duke investuar në infrastrukturë, staf mësimdhënës kompetent, dhe digjitalizim.
“Kemi prezantuar një kurrikulë krejt të re, mbështetje për nxënësit me aftësi të kufizuara, bursa për nxënësit e shkollave të mesme, ushqim falas për të gjithë nxënësit, jemi duke punuar për promovimin e arsimit të mesëm profesional për zhvillimin e kualifikimeve shtesë në të rinjtë”, ka shtuar ai.
Ai ka thënë se është ndjerë i lumtur që e kishte mundësin të fliste në Sesionin e Transformimit të Arsimit në OKB-së, për të ardhmen Maqedonisë së Veriut, e cila sipas tij është arsimimi i rinisë