Ish-presidentët dhe kryeministrat e Shqipërisë, së bashku me ish-presidentin e Republikës së Kosovës, Behxhet Pacolli, do t’i vizitojnë liderët e Ushtrisë Çlirimtare të Kosovës në Hagë javën e ardhshme.
Përmes një postimi në Facebook, këshilltari politik i tij, Jetlir Zyberaj, ka bërë të ditur se një vizitë e tij bëhet me iniciativën e Pacollit. Sipas tij, kjo inciativë nuk përjashtoi as ish-presidentët e Kosovës, mirëpo këta të fundit nuk kanë konfirmuar vizitën e tyre.
“Ftesa u ishte bërë edhe ish-presidentëve të Kosovës, të cilët për arsye të panjohura nuk e kanë konfirmuar vizitën e tyre. Ish-presidentja Jahjaga ka injoruar totalisht secilën thirrje telefonike, qoftë edhe thirrjen nëpërmjet letrës”, ka shkruaj Zyberaj.
Zyberaj ka theksuar se qëllimi i kësaj vizite është solidarizimi me krerët e UÇK-së dhe njëherësh, mbështetja e kauzës dhe luftës së drejtë të Kosovës për liri dhe pavarësi kundër Serbisë në vitet e 90-ta.
Sipas tij, uniteti është përgjigjja ndaj agresionit të Serbisë kundër historisë, të tashmes dhe të ardhmes së Kosovës.