Ministri i Punëve të Brendshme, Xhelal Sveçla, ka pritur në takim lamtumirës ambasadoren e Francës në Kosovë, Marie Christine Butel.
Sipas njoftimit të MPB-së, ambasadorja Butel ka vlerësuar lart angazhimin e Kosovës në luftën ndaj krimit dhe korrupsionit.
“Në veçanti falënderoi ministrin për gatishmërinë e ofruar për ndihmë në menaxhimin e zjarreve me të cilat janë ballafaquar tërë Evropa”, thuhet në njoftim.
“Republika e Francës dhe Republika e Kosovës gëzojnë marrëdhënie të shkëlqyeshme bilaterale dhe ministri Sveçla ritheksoi se do të angazhohemi në thellimin e mëtejmë të këtyre raporteve”, vijon njoftimi.
Në këtë takim, ministri Sveçla e ka falënderuar ambasadoren Butel për bashkëpunimin dhe angazhimin e saj në Kosovë,
“Veçanërisht për rolin e saj aktiv në ngritjen dhe forcimin e kapaciteteve të Agjencive Ekzekutive të Ministrisë së Punëve të Brendshme”.
Me rastin e përfundimit të misionit të saj trevjeçar në Kosovë, ministri Sveçla i uroi suksese në angazhimet e mëtutjeshme Ambasadores Marie Christine Butel.