Kryeministri i Maqedonisë së Veriut, Dimitar Kovaçevski, është deklaruar në lidhje me kërkesën për referendum nga VMRO-DPMNE . Sipas Kovaçevskit, VMRO-DPMNE ka qenë dhe është kundër të gjitha vendimeve strategjike që ka marrë Maqedonia e Veriut që nga pavarësia e saj e deri më sot.
“Pra, nëse i kthehemi anëtarësimit në NATO, marrëveshjes së Prespës, nëse i kthehemi përfundimit të marrëveshjes me Bullgarinë, marrëveshjes për përdorimin e gjuhëve në shtet, kornizës së negociatave… gjithmonë VMRO-DPMNE është kundër, por nuk votojnë kundër, gjithmonë e lënë sallën e Kuvendit dhe gjithmonë pas kësaj fshihen pas qytetarëve duke kërkuar referendume të caktuara etj”, ka theksuar për RMTV kryeministri Dimitar Kovaçevski.
Sipas tij, Maqedonia e Veriut i kishte pritur negociatat me Bashkimin e Evropian 17 vjet, ndërsa në periudhë prej 11 vjetësh kishte qenë në pushtet VMRO-DPMNE .
“Pra, nëse shikoni politikën e udhëhequr nga presidenti Gligorov, i udhëhequr nga kryeministri Kljusev, i udhëhequr nga presidenti Crvenkovski, kryeministri Georgievski, presidenti Trajkovski dhe nëse e krahasoni me politikën e njëmbëdhjetë viteve të Gruevskit dhe Ivanovit, atëherë do të shihni një dallim të qartë”, ka theksuar Kovaçevski.
Më tej, Kovaçevski folur për frymën ideologjike që i udhëheq liderët VMRO-DPMNE , e që sipas tij është politikë e mosvazhdimësisë së shtetit.