Të mërkurën e 28 shtatorit, një polic ka humbur jetën si pasojë e një aksidenti në magjistralen Mitrovicë-Zveçan.
Lajmin e ka bërë të ditur për portali Dukagjini, zëvendësdrejtori i Policisë për rajonin e Mitrovicës së Veriut, Besim Hoti.
Ndër të tjera, Hoti ka bërë të ditur se zyrtari policor është aksidentuar me veturë private.
“I ndjeri ka qenë jashtë detyrës zyrtare, me veturë private”, ka deklaruar Hoti.
Po ashtu, ai ka bërë të ditur se aksidenti ka ndodhur në orën 12:30.