Qeveria e Kosovës në mbledhjen e mbajtur të premten, ka miratuar pakon për përballje me inflacionin, të prezantuar javë më parë nga kryeministri, Albin Kurti, dhe ministri i Financave, Hekuran Murati, dhe e cila ka vlerën e 150 milionë eurove.
Në këtë mbledhje, ministri Murati ka prezantuar pikat që përfshihen në këtë pako, dhe ka bërë të ditur se pagat e punëtoreve publik janë proceduar, por vetëm atyre që kanë punuar me orar të plotë.
Ai gjithashtu njoftoi se shtesa prej 50 eurosh në muaj nuk do të dalë me këtë pagë të shtatorit, por në tetor së bashku me shtesën e muajit të tetorit.
“Punonjësit e sektorit publik që kanë punuar me orar të plotë gjatë muajit dhe që marrin pagën bazë primare deri në 1 mijë euro e që kualifikohen për përfitim mbështeten me shtesën prej 50 euro nga muaji shtator deri në fund të vitit. Me qenë se vendimi po merret tani dhe pagat tashmë janë procesuar, shtesa për shtator do të aplikohet bashkë me shtesën e muajit tetor”, ka thënë Murati.