Ish-zëvendëskryeministri i Kosovës, Dardan Gashi, ka thënë se “Ministrja e Drejtësisë, Albulena Haxhiu ka shkuar edhe ka protestuar para Ministrisë së Drejtësisë për dhunën ndaj grave para një viti. Ajo ende nuk e ka kuptuar se është vet ministre”.
Sipas Gashit, Haxhiu ka dështuar të bashkëpunojë me gjykatësit edhe prokurorët, por vetëm se i ka acaruar edhe më shumë marrëdhëniet me ta.
“Gjykatësit dhe Prokurorët nuk i shkojnë as në takim ministres së drejtësisë, Albulena Haxhiu. Nuk bashkëpunojnë me të, nuk i zbatojnë ligjet”.
“Kemi arritur një pik që kurrë më herët nuk ka qenë në Kosovë, që Ministria e Drejtësisë edhe sistemi i drejtësisë janë në luftë, dhe kjo nuk mundet me qenë meritë e Lëvizjes Vetëvendosje as i kësaj qeverie që praktikisht e ka paralizuar punën e institucioneve të drejtësisë edhe e ka paralizuar bashkëpunimin e parlamentit dhe Qeverisë dhe të institucioneve të drejtësisë”, ka deklaruar Gashi.
Më tej, ai ka thënë se policia është në duart e Qeverisë së Kosovës, edhe siç i marrin meritat për sukseset, ata duhet t’i marrin edhe përgjegjësit për dështimet.
“Policia e ministrit të Punëve të Brendshme, Xhelal Sveçla nuk ka reaguar, apo i cili del e shkon për 28 Nëntor bënë festa nëpër veri, këndej i vrahen qytetarët. Këtu nuk mund të hiqet krejt politika nga këto raste të cilat po ndodhin”, ka deklaruar ai.
Gashi ka përfunduar duke thënë se kur qeveria e feston suksesin duhet të merret edhe përgjegjësia për dështimin në raste të tilla.