AAK-ja ka bërë të ditur se sot pasdite do ta mbledhë Këshillin e Përgjithshëm të partisë, ku do të vendosin për koalicionin parazgjedhor me NISMA-n e Fatmir Limajt.
Pas kësaj mbledhjeje, në orën 18:00 në selinë e AAK-së do të mbahet edhe një konferencë për medie lidhur me këtë zhvillim.
“Këshilli i Përgjithshëm i Aleancës për Ardhmërinë e Kosovës sot vendos për koalicionin parazgjedhor AAK-Nisma. Pas mbledhjes së Këshillit të Përgjithshëm, në ora 18:00 mbahet konferencë për media ne selinë e AAK-së në Prishtinë”, thuhet në njoftim.
Arritja e kësaj marrëveshjeje politike vjen kur tashmë Kosova ka hyrë pothuajse në një vit zgjedhor dhe kur gjithandej nëpër studio televizive flitet për zgjedhjet e reja.