Kryeministri në detyrë i Malit të Zi, Dritan Abazoviq, ka treguar se korrupsioni është lidhur me nacionalizimin në Ballkanin Perëndimor në Sesionin e 77-të të Asamblesë së Përgjithshme të Organizatës së Kombeve të Bashkuara(OKB).
“Ne nuk mund ta ndryshojmë të kaluarën, e vetmja gjë që mund të ndryshojmë është e ardhmja”.
“Lufta kundër korrupsionit është lufta kundër nacionalizmit” sepse “korrupsioni në Ballkanin Perëndimor i mban njerëzit të burgosur”, ka thënë Abazoviq.
Ai ka thënë se institucione gjyqësore duhet të jenë të pavarura në luftë kundër krimit të organizuar dhe korrupsionit.
“Institucionet që gjenerojnë nacionalizëm dhe shkaktojnë destabilitet. Ne duam të luftojmë liderët e korruptuar që promovojnë nacionalizmin dhe e mbajnë vendin në status quo”, ka shtuar ai
Abazoviq ka përfunduar duke thënë se Qeveria e Malit të Zi është duke ndërtuar një shoqëri e cila e promovon paqen dhe përparimin në rajon.
Ndërkohë ai ka folur dhe për luftën dhe rëndësinë e paqes për Botën.
“Në shekullin 21 njerëzimi duhet të jetë më i zgjuar – lufta nuk është zgjidhje. Mbështetja për Ukrainën dhe sanksionet nuk janë çështje ekonomie, por parimesh”, ka theksuar Abazoviq.
Sipas Tij Mali i Zi iu bënë thirrje vendeve të Botës se Paqja është e rëndësishme për stabilitet e përparimi për në çdo vend të botës.