Kryetari i Lidhjes Demokratike të Kosovës, Lumir Abdixhiku, në emisionin “Click” të RTV21 ka reaguar për audio-incizimet e publikuara të shefes së deputetëve të VV-së, Mimoza Kusari-Lila.
“Është shpërfaqje e mirë e një realiteti të trishtë, në të cilën, politika populliste e Lëvizjes Vetëvendosje sot e ka prurë Kosovën”, ka thënë Abdixhiku.
Abdixhiku e quan “Pronto 2” rastin e audio-incizimeve të Kusari-Lilës.
“Është një skandal i madh, nëse e kisha përshkruar më së miri do të ishte ‘Pronto 2’, nuk dallon fare prej ‘Pronto 1’, ndonëse i pari kishte të bënte me afera korruptive e punësime nepotiste, këtu ka të bëjë me komunikim me një terrorist e shfaqje të hipokrizisë, as njëra as tjetra nuk janë të mira”, ka thënë Abdixhiku./21Media