Autoritet franceze e kanë ftuar për vizitë kryetarin e Lidhjes Demokratike të Kosovës, Lumir Abdixhiku.
Sipas komunikatës nga LDK-ja, i pari i kësaj partie, Abdixhiku në Francë do të diskutojë për zhvillimet e fundit politike, dialogun dhe rrugën integruese të Kosovës në strukturat euroatlantike.
“Gjatë ditëve në vijim Abdixhiku do të takohet me zyrtarë institucionalë të shtetit të Francës, për të diskutuar lidhur me zhvillimet e fundit politike, dialogun dhe rrugën integruese të Kosovës në strukturat euroatlantike”, thuhet në komunikatën e LDK-së.