Kryetari i Lidhjes Demokratike të Kosovës (LDK), Lumir Abdixhiku të mërkurën ka pritur në takim shefin e Zyrës Ndërlidhëse Sllovake në Prishtinë, Rastislav Kostilník.
Në këtë takim, siç njofton LDK-ja përmes një komunikate, Abdixhiku dhe Kostilnik kanë diskutuar për situatën aktuale politike në Kosovë, zhvillimet e fundit si dhe qëndrimet e LDK-së karshi këtyre proceseve.
I pari i LDK-së e ka njoftuar zotin Kostilnik edhe me programin 100 pikësh të LDK-së “Rruga e Re”, që do të shpaloset në detaje gjatë muajit të ardhshëm.
Ndër të tjera, Abdixhiku ka shprehur mirënjohje për rolin e zyrës ndërlidhëse sllovake njëkohësisht i bëri thirrje Sllovakisë që ta marrë hapin formal drejt njohjes së Kosovës si dhe ka shprehur bindjen se një njohje nga shteti sllovak do të mirëpritej nga qytetarët e Kosovës, do t’i ndihmonte forcimit të marrëdhënieve bilaterale si dhe stabilitetit të rajonit.