Kryetari i Lidhjes Demokratike të Kosovës (LDK), Lumir Abdixhiku, ka shpallur fitoren e Përparim Ramës në kryeqytet, duke thënë se ai do të vazhdojë të udhëheqë Prishtinën edhe për katër vitet e ardhshme.
“LDK e shpall fitoren në kryeqytet. Përparim Rama është kryetar i Prishtinës edhe për katër vitet e ardhshme. Ai ka marrë 51.5 për qind të votave, me gjithsej 47 mijë qytetarë që i kanë dhënë mbështetje kandidatit tonë dhe LDK-së”, ka deklaruar Abdixhiku.
Ai ka theksuar se LDK sot ka fituar në pesë komuna.
Abdixhiku ka thënë se sipas rezultateve të numërimit të votave, kandidatët e LDK-së kanë fituar në Prishtinë me 51.5%, në Pejë me 61%, në Viti me 52%, në Dragash me 60% dhe në Junik me 60% të votave.