Në ditën e gjashtë të fushatës zgjedhore për zgjedhjet e parakohshme parlamentare, Lidhja Demokratike e Kosovës ka njoftuar për disa tubime elektorale që do të mbahen sot.
Sipas njoftimit të LDK-së, kryetari i partisë dhe kandidati për kryeministër, Lumir Abdixhiku, do të mbajë tubime me qytetarët në Dragash nga ora 16:30, Prizren nga ora 18:00, Suharekë nga ora 19:00 si dhe në Prishtinë nga ora 20:30.
Gjatë këtyre tubimeve, Abdixhiku pritet të prezantojë programin qeverisës dhe vizionin e LDK-së për zhvillim, rend, mirëqenie dhe mundësi të barabarta, si dhe kandidatët e kësaj partie nga këto zona.
Nga LDK kanë ftuar qytetarët që t’u bashkohen takimeve për të dëgjuar nga afër ofertën politike të partisë për zgjedhjet parlamentare.