Deputeti nga Lëvizja Vetëvendosje, Artan Abrashi, ka folur për debatin që është mbajtur të enjten e 30 qershorit në Kuvendin e Kosovës.
Abrashi ka thënë se thirrja e seancës për të mbajtur debat për rritjen e çmimeve nuk ka qenë ide e qëlluar, dhe se ajo nuk duhet të merret seriozisht.
Mirëpo, rritja e çmimeve sipas Abrashit, nuk është vetëm në ekonominë e Kosovës, por në të gjithë globin, si pasojë e pandemisë COVID-19.
“Rritja e çmimeve është për shkak të çrregullimit të zinxhirit furnizues,” ka thënë Abrashi në emisionin FIVE, në RTV Dukagjini.
Përveç kësaj, për Abrashin ka dhe faktorë të tjerë, të cilët sipas tij, janë të jashtëm dhe nuk kanë mundësi të ndikojnë te ta, pasi Kosova aplikon regjimin e ekonomisë së tregut të lirë.
“Lufta në Ukrainë, e cila e ka krijuar një situatë më çmimet e naftës më të cilat vetme se jemi duke u ballafaquar” ka shtuar ai.
Sipas tij, vendosja e “çmimit tavan” për naftën ka ndikuar që të stabilizohet gjendja me çmimin e naftës.