Presidentja e Kosovës, Vjosa Osmani, ka thënë se nuk duhet të paragjykohet epilogu në lidhje me tre personat e arrestuar, të cilët dyshohen se e kanë keqpërdorur fondin për rezerva shtetërore.
“Komenti im është që për çdo proces të institucioneve të drejtësisë dhe institucioneve ligjzbatuese duhet ta presim epilogun e rasteve, me informatat që kemi është e pamundur të paragjykohet epilogu i këtij rasti, institucionet e kanë punën e tyre”
Që nga mëngjesi, Policia e Kosovës ka kryer bastisje në Ministrinë e Industrisë, Ndërmarrësisë dhe Tregtisë, dhe te pronat e biznesmenit Ridvan Muharremi, nën dyshime për keqpërdorime të rezervave shtetërore.
Fillimisht, bastisja u krye te banesa e Ridvan Muharremit dhe te një lokal i tij, ku pastaj i njëjti edhe u shoqërua në polici.
Kurse në MINT, u arrestuan dy zyrtarë, Hafiz Gara dhe Irfan Lipovica.