Kryetari i Lipjanit dhe kandidat për një mandat të ri nga radhët e LDK-së, Imri Ahmeti, ka zhvilluar takime me banorët dhe familjarët në fshatrat e tij, Torina dhe Poturoci.
Ai ka theksuar se fshatrat Torina dhe Poturoci janë frymëzimi i tij, ndërsa vizioni për Lipjanin ndërtohet me punë, dinjitet dhe përkushtim, falë mbështetjes së qytetarëve.
“Sonte në mesin e bashkëfshatarëve e familjarëve që janë frymëzimi im për ta çuar Lipjanin përpara me një vizion të përbashkët, një të ardhme që ndërtohet me punë, dinjitet dhe përkushtim. Fshati im Torina dhe Poturoci janë vendet ku rrënjët janë të thella dhe besimi është i pathyeshëm. Ky besim e kemi kthyer gjithmonë me punë dhe do vazhdojmë kështu për Lipjanin që e duam të gjithë. Faleminderit për mbështetjen e pakusht!”, ka shkruar Ahmeti në Facebook.