Një aksident i rëndë mes dy motoçikletave ka ndodhur këtë të premte në fshatin Livoç i Ulët në Gjilan.
Si pasojë e këtij aksidenti një person ka humbur jetën dhe dy të tjerë kanë mbetur të lënduar rëndë.
Rastin për Dukagjinin e ka konfirmuar edhe zëdhënësi i Policisë për rajonin e Gjilanit, Ismet Hashani.
“Rreth orës 19:39 Policia e Kosovës në Gjilan ka pranuar një informatë për një aksident Trafiku me lëndime në fshatin Livoç i Ulët. Ndihma e parë, Njësia e Trafikut Rajonal dhe hetuesit e aksidenteve kanë dal në vendngjarje. Nga hetimet e para njoftohemi se në aksident janë të përfshira dy motoçikleta, raportohet se tre persona janë lënduar në aksident. Personat e lënduar me urgjencë janë transportuar në emergjencën e Spitalit Rajonal në Gjilan”.
Hashani për Dukagjinin u shpreh se njëri nga të lënduarit raportohet se ishte dërguar në spital pa shenja jete teksa një tjetër është dërguar për trajtim në QKUK e një po vijon trajtimin në Spitalin e Gjilanit.
“Sipas raportit të mjekëve njëri nga të lënduarit është sjell në spital pa shenja jete. Dy të lënduarit e tjerë me lëndime të rënda trupore, njëri është transportuar për në QKUK-Prishtinë, gjersa tjetri vazhdon të trajtohet në spitalin e Gjilanit. Për rastin është njoftuar prokurori i shtetit. Njisitet e trafikut rajonal janë duke i hetuar rrethanat se si ka ardhë deri te ky aksident i rëndë.