Një aksident mes një treni dhe një veture ka ndodhur këtë të premte në fshatin Shtrubullovë të Drenasit.
Si pasojë e këtij aksidenti dy persona kanë mbetur të lënduar, njofton Dukagjini.
Rastin e ka konfirmuar edhe zëdhënësja e Policisë për rajonin e Prishtinës, Flora Ahmeti.
Ahmeti bëri të ditur se të lënduarit kanë pranuar trajtim mjekësor dhe se rasti është duke u hetuar nga Njësiti i Trafikut Rajonal.
“Rreth orës 13:30 kemi pranuar informatën për një aksident trafiku në fshatin Shtrubullovë në Drenas. Në këtë aksident ka qenë i përfshirë një tren dhe një automjet. Si pasojë e aksidentit, dy persona janë lënduar të cilat kanë pranuar tretman mjekësor. Me rastin po merret Njësiti i Trafikut Rajonal”, ka thënë Ahmeti.