Një aksident trafiku ka ndodhur rreth orës 20:30 minuta në Prizren, më saktësisht në rrugën Zhur.
Mediat lokale, kanë raportuar për një person të lënduar, i cili është dërguar në Spitalin e Prizrenit nga kalimtarët e rastit.
Në aksident kanë qenë të përfshira dy vetura, një Golf 4 dhe një Audi.
Në vendin e ngjarjes kanë dalë njësitet kompetente policore, të cilat po merren me rastin.
Policia e Kosovës për Portali D, ka deklaruar se vetëm një person është lënduar nga aksidenti i ndodhur, dhe se, i njëjti, është dërguar në Emergjencën Spitalore Rajonale në Prizren.
Këtë e ka bërë të ditur, zëdhënësi i policisë për rajonin e Prizrenit, Vesel Gashi, duke deklaruar se personi i lënduar ka pësuar lëndime të lehta trupore.
Sipas tij, aksidenti ka ndodhur për shkak të mosrespektimit të rregullave të trafikut.
Ndërsa, në lidhje me rastin tani është duke u marrë njësia rajonale e trafikut në Prizren.
