Një aksident i rëndë trafiku ka ndodhur mëngjesin e së martës në rrugën Prishtinë-Podujevë, në të cilin janë përfshirë dy vetura.
Lajmin për Portali Dukagjini, e ka bërë të ditur zëdhënësja e policisë për rajonin e Prishtinës, Flora Ahmeti.
Ajo ka njoftuar se si pasojë e këtij aksidenti, janë lënduar dy persona.
“Sot rreth 09:00, në rrugën Prishtinë -Podujevë, (në fshatin Shakovicë), ka ndodhur një aksident trafiku. Në aksident janë përfshirë dy automjete. Bazuar në të dhënat fillestare, si pasojë e aksidentit, janë lënduar dy persona”, ka thënë Ahmeti.
Sipas saj, njësiti i trafikut rajonal po merret me rastin.