Policia e Kosovës ka njoftuar arrestimin e një të dyshuari në lidhje me aksidentin fatal që ndodhi në fshatin Shtupeq i Madh-Rugovë në Pejë. Aksidenti përfshiu një motoçikletë me katër rrota dhe rezultoi në vdekjen e një personi dhe lëndimin e një tjetri.
Sipas raportit të policisë, personi i arrestuar është individi i lënduar që ndodhej në motoçikletë me viktimën. Fillimisht, i lënduari kishte deklaruar se viktima ishte vozitësi i motoçikletës. Megjithatë, hetimet e mëtejshme zbuluan se vozitësi ishte në fakt personi i lënduar, tani i dyshuar për aksidentin.
“Nё kёtё aksident ishte e pёrfshirё njё motoçikletё (4 rrotёshe), nё tё cilёn ishin dy (2) persona, motoçikleta ishte rrokullisur dhe si pasojё njё person ka vdekur ne vendin e ngjarjes, kёtё e ka konfirmuar ekipi mjekёsor, ndёrsa personi tjetёr ka pёsuar lëndime trupore.
Në vendin e ngjarjes kanë dalë njësitet kompetente të Njësitit Rajonal të Komunikacionit Rrugor (NJRKRR) dhe prokurori i shtetit, i cili ka urdhёruar qё trupi i pajetё i viktimёs tё dërgohet ne Institutin e Mjekësisë Ligjore (IML) nё Prishtinё pёr obduksion.
Fillimisht, sipas deklarimit tё personit tё lënduar, vozitёs ishte viktima e aksidentit, pas hetimit nga hetuesit e NJRKRR-DRP Pejё, me datё 04.08.2024 gjatё intervistimit ёshtё konstatuar se vozitёs ishte personi i lënduar, tani i dyshuar pёr kёtё aksident”, thuhet në njoftim.
Pas intervistimit nga hetuesitm i dyshuari me urdhёr tё prokurorit tё shtetit dёrgohet nё mbajtje pёr 48- orё.