Policia e Kosovës ka konfirmuar se të mërkurën ka nisur një operacion të gjerë në jug dhe veri të Mitrovicës, i cili ka për qëllim luftimin e veprimtarive kriminale, përfshirë kontrabandën me armë dhe municion.
Në një njoftim zyrtar, Policia ka bërë të ditur se operacioni është ende në zhvillim dhe se pas përfundimit të tij do të bëhen publike informacione të tjera lidhur me rezultatet dhe detajet e ndërhyrjes.
Në fotot e siguruara nga Dukagjini shihen dy persona të prangosur.
