“Duhet mu mburr që i ke pas këta trima..”, në këtë mënyrë, ky ushtar i Ushtrisë Çlirimtare, po i shpreh ngushëllime familjes Curri për rënien e dy djemve në luftën e Kosovës.
E gjithë kjo ngjarje ka ndodhur në prill të viti 1999, në Burrel të Shqipërisë, ndërsa u shoqërua me emocione të mëdha.
Atë botë, familja Curri kishte marr lajmin se dy djem e tyre, Ferit e Petrit Curri, kishin rënë dëshmorë në Grabovc të Poshtëm të Fushë Kosovës.
Të pamën familja e kishte hapur në Shqipëri. Por, ku lufta mbaroi kjo ngjarje mori një trajaktore të jashtëzakonshme.
Familja Curri kur u kthyen në Kosovën e lirë, e kuptuan se dëshmorë kishte rënë vetëm djali i tyre Ferid Curri, ndërsa Petrit u kishte shpëtuar plagëve të rënda.
Me gjithë këtë ngjarje është shumë i familjarizuar veterani i luftës Andan Sogojeva.
Ai rrëfen se si ishte kuptuar që Petrit Curri, kishte shpëtuar nga plagët e luftës.
“Pas përfundimit të luftës, familja kur kthehen në Kosovë, e kuptojnë që njërin nga djemtë është vetëm i plagosur, behët fjalë për Petritin, i cili i shërbën Policiës, dhe kur kthehen në shtëpinë e tyre në Mazgit e shohin që Petriti është i gjallë që i ka mbijetu plagëve, mirëpo e kuptojnë që vetëm njëri nga djemtë e tyre ka renë dëshmorë”, ka rrëfyer Adnan Sogojeva, Veteran i UÇK-së.
Babai i Adnanit, Abedin Sogojeva, i njohur si komandant Dini ishte udhëheqës i togut ku bënin pjesë vëllezërit Curri.
“Baba jem (Komandanti) dhe Feriti kanë pasur një lidhje speciale, Feriti ka qenë njëri nga ushtarët që ka qenë i pandashëm me babin, në betejën në Gllanasellë, Gradicë, në gjitha luftimet që kanë në territorin e brigadës 114. Momenti kur ka ra Feriti ndoshta ka qenë hera e parë që ka qenë shumë të lendum, ka qenë një lidhje speciale dhe sic ka qenë kjo lidhje e vecantë konsideroj që edhe amaneti ka qenë i natyrëshëm”, ka shtuar Adnan Sogojeva, veteran i UÇK-së.
E në këtë varr që tani pushon trupi i Komandant Drinit, fillimisht ishte varrosur dëshmori Ferit Curri.
Mirëpo, Adnani ka treguar amanetin e veçantë të babit të tij.
“Babi im, njëherësh komandanti i im dhe komandanti i Feritit, gjatë vitit 2007 ka vdekur dhe nje ndër amantetet e tij, ka thënë se nëse vdes, me varrosni në varrin e Feritit, dhe si rrjedhojë me vdekjen e tij e kemi varros dhe sot trupi i tij pushon në varrin ku ka qenë i varros dëshmori Ferit Curri”, ka përfunduar Adnan Sogojeva, veteran i UÇK-së.
Shtëpia e Komandat Dinit, ka shërbyer edhe si shtab i ushtarëve të UÇK-së të Grabocit të Poshtëm.
E pak me poshtë se kjo shtëpi është edhe kjo pllakë përkujtimore për luftën dhe rënien heroike të Ferit Currit me 15 prill të vitit 1999.