Sot është një vjetori i vrasjes së rreshterit, Afrim Bunjakut në Banjskë, nga një sulm terrorist, në krye me ish-liderin e Listës serbe, Milan Radoiçiq. E për një vjetorin e sulmit në veri ka reaguar Ambasada e Gjermanisë në Kosovë ku ka thënë se “sakrifica e Afrim Bunjakut nuk do të harrohet” por që Milan Radoiçiq edhe pse e ka pranuar përgjegjësinë e kryerjes së sulmit, ai vazhdon të jetë i lirë në Serbi.
Ambasada e Gjermanisë në Kosovë përmes një postimi në “Facebook” ka shkruar
mosmbajtja përgjegjësi e këtij rasti, pavarësisht pranimit të fajit “minon paqen në rajon dhe dërgon mesazh të rrezikshëm”. Teksa ka shtuar se drejtësia duhet të vendoset dhe nuk ka më justifikime.
“Një vit më parë, gjatë sulmit të tmerrshëm në Banjskë, polici i Kosovës Afrim Bunjaku humbi jetën. Sakrifica e tij nuk do të harrohet, por fakti mbetet: Milan Radoiçiq, autori i supozuar pas këtij krimi, pavarësisht se ka pranuar përgjegjësinë, është ende i lirë në Serbi.
Dështimi për të mbajtur përgjegjës përgjegjësit, pavarësisht pranimeve të qarta të fajit, minon paqen në rajon dhe dërgon një mesazh të rrezikshëm. Drejtësia duhet të vendoset. Nuk ka më vonesa apo justifikime”, thuhet në reagimin e Ambasadës gjermane.